Hér er hægt að skrá sig í bólusetningu gegn COVID-19 á Íslandi. Bólusetning er í boði fyrir alla sem búa, stunda nám eða starfa á Íslandi. Sjá einnig https://www.covid.is/vax.

Fyrir grunnbólusetningu er notað bóluefni frá Pfizer. Fyrir örvunarbólusetningu eru notuð bóluefni frá Pfizer eða Moderna. Nuvaxovid og Janssen bóluefni eru fáanleg ef þeirra er óskað.
Ekki er skilyrði að vera með íslenska kennitölu en skrá þarf nafn, fæðingardag, kyn, ríkisfang og tegund og númer skilríkja, s.s. vegabréf eða skilríki frá Útlendingastofnun.
Bólusetningar fara fram um allt land og hér þarf að taka fram hvar á landinu er óskað eftir að bólusetning verði gerð.
Einstaklingar sem hafa þegar fengið bólusetningu erlendis þurfa að skrá upplýsingar um bóluefni, tímasetningu og fjölda skammta. Til að fá skammta sem gefnir voru erlendis formlega skráða hér svo þeir geti komið fram á íslensku vottorði þarf að skila inn erlendu bólusetningavottorði til heilsugæslunnar. Ef fyrri bólusetning var erlendis má óska eftir bólusetningu með þessu formi hvort sem um ræðir seinni grunnbólusetningu eða örvunarskammt.
Einstaklingar sem hafa sögu um alvarleg ofnæmi fyrir stungulyfjum (s.s. öðrum bóluefnum) þurfa að fá aðstoð læknis við mat á því hvort eigi að bólusetja gegn COVID og hvaða bóluefni eigi að nota og ættu ekki að skrá sig hér heldur hafa samband við heilsugæsluna.
Fyrir ákveðna einstaklinga þarf að tímasetja bólusetninguna með meiri nákvæmni en fyrir aðra. Innbyggt í formið er að skrá þarf upplýsingar um fyrri skammt, þungun eða notkun ákveðinna ónæmisbælandi lyfja. Lestu skilaboðin sem svörin þín kalla fram vandlega og veldu rétta tímasetningu við tímabókun hjá heilsugæslustöðinni þinni.
Vottorð með QR kóða fyrir skammta sem gefnir voru hér, fyrir ferðalög innan evrópska efnahagssvæðisins verða aðgengileg eftir bólusetninguna hér.

Skráning í bólusetningu

Um síðuna